नेपाल शिक्षण परिषद शैक्षिक जागरण अभियान चलाउने, ऋषिपरम्पराका मूल्य मान्यताहरुलाई विश्वभरी चिनाउने र नेपाल राष्ट्रको गरिमामय ईतिहासको पृष्ठभूमीमा नेपालको विविधतालाई विश्वमानचित्रमा सबल राष्ट्रको रुपमा चिनाउने उद्देश्यले स्थापना भएको हो । गुरुकुल, मातृकुल, विद्यालय, महाविद्यालय, विद्यापीठ, विश्वविद्यालय एवं सनातन संस्कृति र पौरस्त्य शैक्षिक, सामाजिक मान्यताको पक्षधर रहेको परिषद गैर नाफामूलक संस्था हो ।
शिक्षण परिषद विश्वबन्धुत्व र व्यक्ति व्यक्तिको सहकार्यबाट राष्ट्रिय चरित्रको विकासका मान्यतालाई प्रमुखता दिने पवित्र उद्देश्य भएको शैक्षिक अनुसन्धानमूलक संस्था हो । परिषद २०७४ साल चैत्र २० गते देश भरिका विश्वविद्यालय विद्यापीठ, गुरुकुलहरुका आचार्यहरु, शिक्षाविद्, सन्त महन्थ, जनप्रतिनिधि सहित विविध क्षेत्रका लब्ध प्रतिष्ठित विद्वान विदुषी लगायत अन्तराष्ट्रिय शिक्षा विशेषज्ञहरुको उपस्थितिमा गठन भएको हो ।